Helburua
– Ofizioz edo partikular batek (pertsona fisikoa zein juridikoa) Udal honi erreklamatzeko hasitako espedienteak dira, Udalaren jardueraren ondorioz pertsona eta/edo ondasun pribatuei eragindako kalte-galerengatik.
Nork egin dezake izapidea
– Kaltetutako pertsona fisiko edo juridiko orok.
Betebeharrak
– Kaltetu zuzena edo haren legezko ordezkaria izatea.– Kalte-galerak eragin dituen gertakaritik edo haren ondorioak zehazteko unean urtebete baino gehiago igaro ez izana.
Nola egin daiteke izapidea / Aurkeztu beharreko dokumentazioa
– Sinatutako instantzia orokorra.– Jakinarazpenak jasotzeko helbidea.– Telefono-zenbakiak.– Posta elektronikoko helbidea.– Gertaera kaltegarriaren eta haren ondorioen dokumentu arrazoitua.– Gertakariak eta ondorioak justifikatzen dituzten agiriak (frogatu beharraren karga), non honako datuak jasoko diren:– Kalteak non eta noiz gertatu ziren zehazki, bidearen puntu zehatza adieraziz.– Egokitzat jotzen diren alegazioak, dokumentuak eta informazioa, bereziki ezbeharra gertatu den lekuan galtzadaren egoera zein den islatzen duten argazkiak eta aurkez ditzakeen lekukoak.– Froga-proposamena, hala badagokio, erabili nahi diren bitartekoak zehaztuta.– Jasandako lesioen eta/edo kalteen zehaztapena.– Ondare-erantzukizunaren ebaluazio ekonomikoa, hala badagokio, fakturak edo peritu-txostenak aurkeztuta.
Nola eta noiz ebazten da
– Espedientea ebazteko epea 6 hilabetekoa da, eskaera egiten den egunetik zenbatzen hasita, eta administrazioaren isiltasuna NEGATIBOTZAT hartuko da.
